பொறாமை - சிறிய ஒரு கதை

ஆரோக்கியமான போட்டி ஒருவரை அவருடைய நல்லநிலைமைக்கும் அவனுடைய முன்னேற்றத்திற்கும் காரணமான அமைந்துவிடும். ஆனால் பொறாமை என்பது மிகவும் ஆபத்தான ஒன்று. அது மனிதர்களுடன் இயல்பாகவே இருக்கும் ஒன்றாகும். இந்தப் பொறாமை பலருடைய வாழ்க்கையையே தலைகீழாக திருப்பிபோட்டுவிடக்கூடியது. வகுப்பில் சகமாணவர்களுடன் போட்டி போட்டு படிக்கவேண்டும் பொறாமை இருக்கக்கூடாது என்று என்னுடைய ஆரம்பக்கல்வி தமிழ் ஆசிரியர் வகுப்பில் கூறியது இப்போதும் எனக்கு நன்றாக நினைவிருக்கிறது

சிறிய ஒரு கதை


ஒரு ஊரிலே ஒரு பரம ஏழை அன்றாடம் ஒருவேளை உணவுக்கே அல்லல்பட்டுக்கொண்டு இருக்கின்றான். ஒருநாள் அந்தக்கிராமத்திற்கு கொடைவள்ளலான சாமியார் ஒருவர் வருகின்றார். அவரைப்பார்ப்பதற்கு சென்ற அந்த ஏழை குடியானவன் அந்த சாமியாரை பசந்தித்து தனக்கு செல்வங்கள் கிடைத்து தான் நன்றாக வாழ வரமருளவேண்டும் என்று அவரை கோருகின்றான். அவனது கோரிக்கைக்கு இரக்கப்பட்ட சாமியார் அவனைப்பார்த்து உனக்கு நான் சகல சௌபாக்கியங்களும் கிடைத்து வளமான வாழ்க்கை வாழ்வதற்காக நீ கேட்பதை  தருவேன் ஆனால் ஒரு நிபந்தனையோடுதான் தருவேன் எனக்கூறுகின்றார். அந்த நிபந்தனை என்னவென்றால் நீ உன்னுடைய செழிப்பான வாழ்க்கைக்கு எவ்வளவு செல்வங்களை கேட்கின்றாயோ அதேபோல இரண்டு மடங்கானவற்றை உன்னுடைய எதிர் வீட்டுக்காரன் பெறுவான் என்ற நிபந்தனையை போடுகின்றர். அதற்கு அந்தக் ஏழைக்குடியானவன் கலவரமடைந்து யோசிப்பதைப்பார்த்த சாமியார் நீ இன்று வீடு சென்று நன்றாக சிந்தித்து உனக்கு என்ன வேண்டும் என நாளை நீ என்னிடம் வந்து கூறு ஆனால் நீ கேட்பதைப்போல இருமடங்கு உன் எதிவீட்டுக்காரனுக்கு கிடைக்கும் என்று கூறி அனுப்பிவைக்கின்றார். அதேபோல அடுத்தநாளும் அந்தக்ஏழைக்குடியானவன் சாமியாரைப் பார்ப்பதற்கு வருகின்றான. சாமியார் அவனைப்பார்த்து உனக்கு என்ன வேண்டும் என தீர்மானித்து விட்டாயா என கேட்கின்றார் அதற்கு அந்த ஏழைக் குடியானவன் எனது ஒரு கண்ணை எடுத்துவிடுங்கள் நான் சந்தோசமாக இருப்பேன் என்று கூறுகின்றான். இதைத்தான் பொறாமையின் உச்சக்கட்டம் என்று கூறுமுடியும். தனக்கு கிடைப்பதைப்போல இருமடங்கு எதிர்வீட்டுக்காரனுக்கு கிடைக்கும் என்று தெரிகின்றபோது அவனுடைய பொறாமையின் உச்ச வெளிப்பாடக தனது ஒரு கண்ணை எடுத்துவிடும்படி கேட்கின்றான்.

இது ஒரு நான் கேள்விப்பட்ட கற்பனைக்கதையாக இருந்தாலும் பொறாமையின் உச்சக்கட்டத்தை கூறிநிற்கின்றது. பொறாமை என்பது ஏழை பணக்காரன் என்ற வித்தியாசமின்றி சமூகத்தின் எல்லா மட்டங்களிலும் பரந்துபட்டு இருக்கின்றது. மனிதர்கள் பொறாமையை விட்டு ஆரோக்கியமான போட்டியுடன் செயற்பட்டால் நல்லஒரு நிலையை அடைமுடியும் என்பது வெளிப்படை உண்மை.

இனி அவன்... Him, Here after...

இலங்கையின் பிரபல சிங்கள இயக்குனர் அசோக ஹந்தகம இயக்கியிருக்கும் முற்றுமுழுதாக தழிழ்க் கலைஞர்களை வைத்து யாழ்ப்பாணத்தில் எடுக்கப்பட்டிருக்கும் இத்திரைப்படம் யுத்தத்திற்கு பின்னரான தமிழ் மக்களுடைய இன்றைய நிலையினை சித்தரிக்கவிருக்கின்றது.

இவர் இதற்கு முன்னர் 2003ம் ஆண்டில் "இவ்வழியால் வாருங்கள்" மற்றும் 2005ம் ஆண்டில் "கிழக்குக்கடற்கரையின் அழைப்பு" என்ற இரு தொலைக்காட்சி நாடகங்களை தமிழில் இயக்கியிருக்கிறார்.

இவர் தற்போது இயக்கி வெளிவரவிருக்கும் திரைப்படத்தின் Trailer...

உலககிண்ண கிரிக்கட் 2011

உலககிண்ண கிரிக்கட்போட்டி ஆரம்பமானப்போகின்றது எங்கு பார்த்தாலும் கதைத்தாலும் கிரிக்கட்தான். இந்தமுறை இந்தியா இலங்கை வங்கதேசம் ஆகிய மூன்று தென்னாசிய நாடுகள் இணைந்து உலகக்கிண்ண கிரிக்கட்போட்டியை நடத்துவது சிறப்பு. எனக்கு கிரிக்கட் விளையாடுவதில் அவ்வளவு ஈடுபாடு இல்லாவிட்டாலும் தொலைக்காட்சியில் கிரிக்கட் பார்ப்பவன். இலங்கை கிரிக்கட் அணியினுடைய இரசிகன். எனக்கு தெரிந்து பல பதிவுலக நண்பர்கள் நாளாந்தம் இதுதொடர்பாக விரிவாகவும் விலாவாரியாகவும் பதிவு எழுதிவருகின்றார்கள். 

இதுவரைகாலமும் ஒரு சர்வதேச போட்டியைகூட நேரடியாக ஆடுகளங்களில் பார்த்ததில்லை இப்பபோது முதன்முறையாக சந்தர்ப்பம் கிடைத்திருக்கின்றது அதுவும் என்னுடைய நண்பர்களுடன் சென்று பார்ப்பதற்கான சந்தர்ப்பம். இலங்கையில் உலகக்கிண்ணப்போட்டியொன்று நடைபெறும்போது அதை தவறவிடக்கூடாது என்று நினைத்திருந்தேன் இப்போது லோஷன் அண்ணா மற்றும் கோபியின் தயவில் கையில் ரிக்கட்டுகள் கிடைத்திருக்கின்றன அதுவும் இலங்கை மற்றும் பாக்கிஸ்தான் அணிகளுக்கிடையிலான போட்டி.
நல்ல ஒரு விறுவிறுப்பான போட்டியாக இருக்கும் என்று நினைக்கின்றேன்.


இந்தமுறை உலககிண்ணத்தை இலங்கையே வெல்லவேண்டும் என்பது என்னுடை எதிர்பார்ப்பு. ஆனால் மற்றைய அணிகளையும் குறைத்து மதிப்பிடமுடியாது இலங்கை தவிர இந்தியாவுக்கும் அவுஸ்திரேலிய அணிக்கும் வாய்ப்புக்கள் காணப்படுகின்றது அதைவிட நான் எதிர்பார்ப்பது பாக்கிஸ்தான் அணியினரை ஏனென்றால் அவர்கள் எப்போது வெல்வார்கள் எப்போது தோற்பார்கள் என்று கூறமுடியாதிருக்கின்றது அதனால் இந்தமுறை பாக்கிஸ்தானையும் கிண்ணத்தை கைப்பற்றும் அணியினுடைய பட்டியலுக்குள் நான் வைத்திருக்கின்றேன். இதற்கு மற்றுமொரு காரணம் பாக்கிஸ்தான் அணித்தலைவர் அப்ரிடி.

எந்த அணிகிண்ணத்தை சுவீகரித்தாலும் சந்தோஷம்தான் அதிலும் குறிப்பாக இலங்கை கிண்ணத்தை கைப்பற்றினால் இலங்கை அணியினுடைய இரசிகன் என்ற வகையில் மேலும் சந்தோஷப்படுவேன். பொறுத்திருந்து பார்ப்போம் எந்த அணி வெற்றி பெறுகின்றதென்று.... 

உண்மையில் பாக்கு நீரிணையில் என்னதான் நடக்கிறது?

சமூக இணையமான பேஸ்புக்கில் தற்போதைய பிரச்சனையான மீனவர்கள் தாக்கப்படுவது தொடர்பாக நான் இட்ட கருத்துரையும் அதற்கு என்னுடைய நண்பர்கள் வழங்கிய பதில்களையும் உங்களுக்கு தருகிறேன்

• 

  Vathees Varunan

  ‎#tnfisherman மீனவர்கள் தாக்கப்டுவது கண்டிக்கவேண்டியதுதான் அதேபோல அவர்களால் பாதிக்கப்பட்ட இலங்கை மீனவர்களுக்காக குரல்கொடுக்க யாருமில்லை

  9 hours ago via Seesmic Web ·  ·  · Comment

  • Logeswaran Bakthavachalan, Tharugasini Manickavasagar, Kugathasan Abimaran and 5 others like this.
  • • 

      Gopikrishna Kanagalingam அது முக்கியமானது. இப்போது எழுந்திருக்கும் ஆதரவு அலை மூலம் அவர்களது பிழைகள் மறைக்கப்படக் கூடாது.

      9 hours ago ·  ·  3 people
    • 

      Gopikrishna Kanagalingam ஆனால் நான் கண்டவரை இலங்கை இராணுவத்தை எதிர்க்கிறோம் என் பார்வையில் இந்திய மீனவர்கள் இலங்கை மீனவர்களுக்கு எதிராக செய்தவை எதுவும் தமிழ் ஊடகங்களால் மக்ககளுக்கு கொண்டுசேர்க்கப்படவில்லை. மாறாக அவர்களது பிழைகள் நியாயப்படுத்தப்பட்டு அப்பாவி இலங்கை மீனவர்களின் பிரச்சினை மறைக்கப்பட்டது.

      9 hours ago ·  ·  5 people
    • 

      Vathees Varunan உண்மைதான் கோபி பல உண்மைகள் மறைக்கப்பட்டிருக்கின்றன. இவற்றையெல்லாம் ஏற்றுக்கொள்வார்கள் என்று நீங்கள் கருதுகின்றீர்களா ஒருபோதும் இல்லை மாறாக துரோகி பட்டம்தான் கட்டுவார்கள்

      9 hours ago ·  ·  2 people
    • 

      Vathees Varunan ‎#slfisherman

      9 hours ago · 
    • 

      Vathees Varunan தமிழ் ஊடகங்கள் இலங்கைமீனவர்களுடை பிரச்சனைகளை இருட்டடிப்பு செய்யதின் காரணமாகவே இந்திய தமிழர்களுக்கு பல விடயங்கள் தெரியமலே போய்விட்டது

      8 hours ago · 
    • 

      Carthigan Gopalasingam வதீஸ் கோபி கூறுவதை நானும் வழிமொழிகிறேன்!

      8 hours ago ·  ·  1 person
    • 

      Nirshan Ramanujam ‎"இந்திய மீனவர்களால் தான் தொழிலில் எமக்கு அதிகம் நஷ்டம் ஏற்படுகிறது. நாம் வலைவிரித்திருக்கும்போது விளக்குகள் எதுவுமின்றி வரும் அவர்கள் எமது வலைகளைக் கிழித்தெறிகிறார்கள். ரோலர் படகுகளால் எமது வலைகள் துண்டாக்கப்படுகின்றன" -http://www.virakesari.lk/news/head_view.asp?key_c=27971

      6 hours ago ·  ·  1 person
    • 

      Ajanthan Ajan 

      இலங்கை மீனவர்களுக்கு இருக்கும் பிரச்சனை வருமானம், தொழில்.ஆனால் தமிழக மீனவர்களுக்கு இருக்கும் பிரச்சனை உயிர்.
      இரண்டுக்கும் முதலில் வேறுபாட்டை புரிந்து கொள்ளுங்கள்.
      கடல் எல்லை தாண்டினால் சுடலாம், சுடுவது எந்த நாட்டிலும் இல்லை.
      முதலில் உயிர் பிரச்சனைக்கு தீர்வு காணபட்டால் அடுத்தது இலங்கை மீனவ பிரச்சனையும் இலகுவில் தீர்க்கலாம்.அதை செய்யவேண்டியது இரு அரசுகளும்.
      அதைவிட்டு இரு அரசும் பொறுப்பற்ற வகையில் தட்டிகளிப்பதும், கொலைகளை இருட்டடிப்பது செய்வதும் பிரச்னைக்கு தீர்வு தராது.
      இலங்கை மீனவ பிரச்சனை இலங்கை ஊடகங்கள் ஏன் சொல்லுவது இல்லை ? நான் ஏன்டா நிர்சன் எழுதியதை தவிர வேறு எங்கும் பார்க்க வில்லை.
      பல ஆண்டு ஊடக பணியில் இருக்கும் உங்களை போன்றோரே அதை செய்வது இல்லை காரணம் உயிர் அச்சுறுத்தல்.இது இலங்கை திரு நாட்டில் இருக்கும் நிலைமை.
      இலங்கை மீனவ பிரச்சனை தொடர்பான செய்தியை வெளியே கொண்டு வருவது இலங்கை அரசின் பொறுப்பு, இலங்கை ஊடகத்தின் பொறுப்பு.
      அங்கே சாவதும் தமிழன், இங்கு வருமானம் இன்றி கஷ்ட படுவதும் தமிழன். அகவே வாய் முடி, நாங்கள் (இலங்கை அரசு) சுடவில்லை, இலங்கை மீனவ பிரச்சனைக்கு குழு அமைகிறோம் எண்டு எல்லாம் சொல்லி கொண்டு செல்ல வேண்டியது தான்.என்றாவது இலங்கை அரசு இந்திய அரசுடன் இலங்கை மீனவ பிரச்சனை தொடர்ப பேசியதாக செய்தி உண்ட ? இருக்காது.
      தமிழக தமிழர்களும் தெரியும் இலங்கை மீனவ பிரச்சனைகள் தெரியும்.
      தமிழக மீன்வகர்களுக்கு தெரியாது என்பது உங்கட அறியாமை காட்டுகிறது வை.
      அவர்களும் இந்த பிரச்சனைக்கு தீர்வு காணப்பட வேண்டும் என்று தான்போராடுகிறார்கள்.தமிழக, இந்திய அரசுக்கு, அழுத்தங்கள் கொடுகிறார்கள் அவர்கள் எந்த ஒரு ஆக்க பூர்வமான நடவடிக்கை, ஊடக தணிக்கை செய்ததாலே #tnfisherman என்று ட்விட்டர்'ல் பரப்புரை போராட்டத்தை செய்து கொண்டு இருக்கிறார்கள்.
      அதை விளங்கி கொள்ளுங்கோ.

      5 hours ago · 
    • 

      Gopikrishna Kanagalingam 

      ‎@நிர்ஷன் அண்ணா:
      இலங்கை மீனவர்களுககு எத்தனை காலமாக இந்தப் பிரச்சினை இருக்கிறது?
      இதுவரை எத்தனை முறை செய்திகளில் அந்தப்பிரச்சினைகள் மக்களிடம் கொண்டுசேர்க்கப்பட்டிருக்கின்றன?
      எங்களுக்குத் தேவையே இல்லாத "விஜய் அரசியலுக்கு வருவாரா?", "ராகுல் காந்தி தமிழகத்தில் என்ன செய்தார்", "விஜயகாந்த் நல்லவரா", நடிக நடிகையரின் அந்தரங்க விடயங்கள் பற்றிய செய்திகளுக்கு அளிக்கப்பட்ட முக்கியத்துவம் ஊடகங்களால் இலங்கை மீனவர் பிரச்சினைக்காக வழங்கப்பட்டதா?
      
      இதுவரை எத்தனை ஞாயிற்றுக்கிழமைப் பத்திகள் அவர்களுக்காக எழுதப்பட்டிருக்கின்றன?
      அங்கொன்றும் இங்கொன்றுமாக செய்திகளைக் காட்டலாம், ஆனால் முக்கியத்துவம் வழங்கப்படவில்லை என்பது வெளிப்படை.
      
      செய்திகளைத் தொடர்ந்தும் தொடர்ந்துவரும் அனைவரையும் அழைத்து இலங்கை மீனவர் தொடர்பாக அவர்களுக்கு எவ்வளவு புரிதல் இருக்கிறது எனக் கேட்டுப்பார்த்தால் தெரியும் எவ்வளவு தூரம் அவர்களது பிரச்சினைகள் முக்கியத்துவப்படுத்தப்படவில்லை என்று.

      4 hours ago · 
    • 

      Gopikrishna Kanagalingam 

      ‎@Ajanthan Ajan:
      யாரும் தமிழக மீனவர் தொடர்பான தாக்குதல்களை நியாயப்படுத்தவில்லை.
      
      ஆனால்,
      // இலங்கை மீனவர்களுக்கு இருக்கும் பிரச்சனை வருமானம், தொழில். //
      
      இது வெறுமனே மேல்நோக்குப் பார்வை.
      ஏழை மீனவர்களிடமிருந்து மிகவும் பெறுமதியான அந்த வலைகளை அழிப்பதற்கும் அவர்களது உயிரை எடுப்பதற்கும் எந்த வித்தியாசமும் கிடையாது.
      என்னைப் பொறுத்தவரை மீனவர்கள் சுடப்படுவதற்கும், மீனவர்களால் மீனவர்களில் வலைகள் அறுக்கப்படுவதற்குமிடையில் எந்த வித்தியாசமும் கிடையாது.
      
      // முதலில் உயிர் பிர...ச்சனைக்கு தீர்வு காணபட்டால் அடுத்தது இலங்கை மீனவ பிரச்சனையும் இலகுவில் தீர்க்கலாம் //
      
      அதைவிட இலகுவான வழியை நான் சொல்வேன்.
      இலங்கை மீனவர்களின் பிரச்சினை தீ்ர்க்கப்பட்டால் தமிழக மீனவர்களுக்குப் பிரச்சினையே இருக்காது.
      கடல் எல்லையைத் தாண்டி வருவதை ஏன் இன்று போராட்டம் நடத்துபவர்களால் நிறுத்த முடியாது?
      இன்னொரு நாட்டு மீனவர்களின் வாழ்வாதாரத்தைப் பாதிக்குமாறு நடக்க வேண்டாம் என ஏன் அவ் மீனவர்களை போராட்டக்காரர்களால் விளங்கப்படுத்த முடியாது?
      
      // காரணம் உயிர் அச்சுறுத்தல். //
      
      எத்தனை காலம் இப்படி அதைச்சொல்லிச் சொல்லியே காலத்தை ஓட்டுவது?
      இந்திய மீனவர்களால் இலங்கை மீனவர்களின் உபகரணங்கள் அழிக்கப்படுகின்றன என்று சொல்வதற்காக இங்கு யாருமே வந்து யாரையும் கடத்தப்போவதுமில்லை, துன்புறுத்தப்போவதுமில்லை.
      இது self-censorship என்று சொல்லப்படுகின்றன தங்களை தாங்களே மட்டுறுத்தி வைத்திருக்கின்ற நிலைமை.

      4 hours ago · 
    • 

      Vathees Varunan 

      இங்கே மீண்டும் நான் கூறுகிறேன் மீனவர்கள் தாக்கப்படுவதை மிக வன்மையாக கண்டிக்கின்றேன்.
      
      நான் இதுதொடர்பாக விபரங்களை சேரித்தபோது கிடைத்த ஆச்சரியமான தகவல் என்னவெனில் இலங்கை கடற்படை தமிழ் பேசக்கூடிய ஒருவரை அழைத்துச்சென்று இந்தியமீனவர்களுக்கு தமிழிலேயே இலங்கை கடல் எல்லையிலிருந்து போகும்படி தமிழிலயே 2 மணித்தியாலங்களுக்கு மேலாகவும் அறிவுறுத்துவதாகவும் ஆனால் தமிழக மீனவர்களோ அதை கண்டும் காணாததுபோல மீன்பிடிப்பதாகவும் இதன்காரணமாகவே வேறு வழியில்லாமல் அவர்கள்மீது தாக்குவதாகவும் இலங்கையின் வடபகுதி மீனவர்கள் தெரிவித்தார்கள். இதிலே என்னுடைய உறவினர்கள்பலரும் நேரடியாக இந்திய மீனவர்களினால் பாதிக்கப்பட்டிருக்கின்றார்கள்
      
      இந்திய மீனவர்களை தங்களது எல்லையை தாண்டிவந்து மீன்பிடிக்ககூடாது என்று ஏன் தற்போது போராட்டம் நடத்துபவர்களால் கோரிக்கை விடக்கூடாது என்பதுதான் என்னுடை கோரிக்கை வெறுமனே ஒரு பக்கத்தின் கருத்துக்களை கேட்காமல் இருதரப்பினருடைய பிரச்சனைகளையும் கேட்டறிந்து புரிந்துணர்வுடன் செயற்பட்டால் எந்தப்பிரச்சனையும் இருக்காது

      3 hours ago · 
    • 

      Mayooran Peri தலையிடியும் காய்ச்சலும் தனக்கு வந்தால் தான் தெரியும்

      3 hours ago ·  ·  1 person
    • 

      Mayooran Peri 

      இவர்கள் வடபகுதிக் கடலிலுள்ள மீன்களை சூறையாடுவது பற்றி ஏன் எவரும் கதைக்கின்றார்கள் இல்லை.
      
      இந்திய மீனவன் மன்னிக்கவும் தமிழக மீனவன் கொல்லப்படுவதை அவர்களது தலைவர் கருணாநிதியே கவனத்தில் எடுக்காதபோது நாம் ஏன் எடுக்கவேண்டும். உந்த தொப்புள் கொடி உறவுகள் எல்லாம் எப்பவோ முறிந்து முடிந்துபோனது.
      
      ஒரு குவாட்டருக்கும் புரியாணிப் பார்சலுக்கும் தங்கள் சுயத்தை விற்கும் தமிழகத் தமிழர்கள் பற்றி கவலைப்படுவது மடத்தனம்.

      3 hours ago · 
    • 

      Ajanthan Ajan 

      கோபி நான் சொன்னதை நீங்கள் ஒருக்கா மீண்டும் வாசிங்கோ.
      
      நான் நியாபடுத்தியதாக சொல்லவில்லை.
      தம்பட்டம் அடிக்கும் இரு அரசுகளுக்கும் தமிழ் சனம் சாவில் பொருப்பற்ற வகையில் நடிவடிக்கை ஏதும் எடுக்காமல் இருப்பதையே சொல்லி இருக்கிறேன்.
      
      ஆகா மொத்தம் இலங்கை மீனவர்களின் வலை தமிழக மீனவன் உயிருக்கு சாமம். நகைச்சுவையான பதில்.
      
      எந்த ஒரு உள்நோக்கான பார்வையும் இறந்த மீனவர்களின் கொலைகள் தடுக்கப்படவும் இல்லை
      இலங்கை மீனவர்களின் வலைகளை அறுக்கபடுவதும் தடுக்கப்படவில்லை.
      
      இலங்கை மீனவர்களின் வலைகளை அறுப்பதுக்கு இலங்கை அரசு இந்திய அரசு ஊடக நடவடிக்கை எடுக்க வேணும்.அதே போல தமிழக மீனவ இலங்கை கடல் படைகளால் கொல்லபடுவதை இந்திய அரசு இலங்கை அரசு ஊடக நடவடிக்கை எடுக்க வேணும். இதையே நான் சொல்லி இருக்கிறேன்.
      
      எப்படி சொல்லுரிங்க இலங்கை மீனவ பிரச்சனை தீர்க்கபட்டாள் தமிழக மீனவ பிரச்சனை இருக்காது எண்டு?ஐயா கோபி எல்லை தாண்டி வருவது ஒன்றும் பெரிய குற்றமா? அப்படியே வந்தாலும் அவர்கள் சுடுவதா ?ஏன் இலங்கை படைகளால் கைது செய்யலாமே. இன்று போராடும் சனம் இதையே அன்று தொடக்கம் சொல்லி வருகிறார்கள்.
      
      இலங்கை மீனவ வலை அறுப்பதை தமிழக மீனவன் நிறுத்தினால் இலங்கை படை தமிழக மீனவனை சுடதாம்.
      அப்படி அல்லவே இருக்கு இந்த கதை.
      
      கடல் எல்லை தாண்டபடுவதை இன்று போராட்டம் நடத்துபவர்கள்.
      
      உங்களை போன்று அறிவாளி இல்லை தானே அந்த பாவப்பட்ட மீனவர்கள் அதனால் அவருக்கு கடல் எல்லை சரியாய் தெரிந்து கொள்ள முடியவில்லை, இந்த எல்லை பிரச்னையை அந்த மீனவர்களுக்கு சரியை அடையாளம் காணும்படி செய்து கொடுப்பது இந்திய அரசின் நடவடிக்கை. இங்கு போராட்டம் நடப்பது இந்திய அரசை இந்த கொலைகளை, எல்லை தாண்டும் பிரச்னையை முடிவுக்கு கொண்டுவரவே அதை செய்து கொடுக்கும் படியும் தான் நடக்குறது.
      
      அடுத்த நாட்டு மீனவர்களின் வலைகளை அறுக்க வேண்டாம் என்று சொல்ல சொல்லுரிங்க.
      
      இது என்றாவது ஒரு சிலர் செய்யப்படும் வேலை. இதும் தண்டிக்க படவேண்டியது.
      இதை இந்திய அரசின் ஊடக தமிழக மீனவர்களுக்கு சொல்லவேண்டியது இலங்கை அரசின் பொறுப்பு
      அதை செய்தார்களா அவர்கள் ? இல்லை நீங்கள் தான் இலங்கை மீனவ பிரச்சனை தொடர்பாக உங்கட ஊடகத்தில் விவாதித்து, மக்களுக்கு ஒரு விளிப்புனரை செய்து இருக்றீங்க ?
      
      இன்று பரப்புரை போராட்டத்தை பண்ணும் tnfisherman அந்த மீனவ சனத்துக்கு எல்லை தொடர்பான் வழிகாட்டலை செய்து இருக்கிறார்கள்
      
      சரி அப்படி கடத்தபோவது இல்லை என்று சொல்லும் நீங்கள் உங்கட ஊடகத்தின் முலம் ஒரு விளிப்புனரை பண்ணுங்களேன்.செய்ய மாட்டிர்கள்.
      
      நான் என்னை தானே மட்டுறுத்தி இருக்கவில்லை, ஜனநாயக நாட்டில் இருக்கும் நிலைமையை சொன்னான்.
      
      இலங்கை அரசின் காட்டுமிராண்டி செயலை சொல்ல விரும்புகிறேன்.
      இங்கு இரு நாட்டு மீனவர்களுக்கும் பிரச்சனை உண்டு.
      இரண்டு பிரச்னையும் தீர்க்க பட வேண்டும் என்று சொலி இருக்கிறேன்.
      நீங்கள் இரு நாட்டு மீனவர்கள் எண்டு சொல்லி இருக்கீங்க நான் தமிழர்கள் எண்டு சொல்ல விரும்புகிறேன்
      
      சும்மா வாய் சொல்லுக் எப்படியும் சொல்லாம், ஆனால் இலங்கை அரசு தொடர்பாக எது பேசினாலும் அச்சுறுத்தல் இருப்பது உண்மையே.அதற்கு மீனவ கொலை மட்டும் விதி விளக்கு இல்லை
      
      இலங்கை அரசுக்கு தம்பட்டம் அடிக்கும் எம் சனம் இருக்கும் வரை எந்த ஒரு தமிழ் சனம் கொலையும் நிக்கபோவது இல்லை.

      2 hours ago · 
    • 

      Gopikrishna Kanagalingam 

      நான் சொன்னதை திரும்ப வாசியுங்கோ.
      
      நான் சொன்னது "கடற்படை(?) மீனவன சுடுறதுக்கும், அதே மீனவன் இன்னொரு மீனவன்ர வயிற்றில அடிக்கிறதுக்கும்" வித்தியாசம் இல்லை எண்டு.
      
      அந்த மீனவனுக்கு வலையின்ர முக்கியத்துவம், அவசியம் தெரிய வேணாமா?
      இன்னொரு பகுதி மீனவனின்ர வாழ்வாதாரத்த பறிக்கிறதுக்கும், அவனின்ர உயிர எடுக்கிறதுக்கும் வித்தியாசம் இல்ல எண்டு நான் நிச்சயமாச் சொல்லுவன்.
      
      மற்றது வதீஸ் அண்ணா இலங்கை மீனவர்கள் சிலரோட கதைச்சு தெரிவிச்ச கருத்துக்களின்ரபடி, தமிழ் மொழிமூல மொழிபெயர்ப்பாளர் ஒருவரின்ர உதவியுடன் இந்திய மீனவர்களுக்கு தமிழில் எச்சரிக்கை விடுக்கப்படுவதாகத் தெரிவிக்கப்படுகிறது.
      
      அவர்களின் கொலைகளை நான் எந்தவிதத்திலும் நியாயப்படுத்தவில்லை, அவற்றைக் கண்டிக்கிறேன்.
      ஆனால் அந்தநேரத்தில், அவர்களின் பிழைகளை அவர்கள் திருத்திக் கொள்ளவும் வேண்டும். அதன்மூலம் ஏராளமான பிரச்சினைகளை தவிர்க்கலாம் என்பது என் தாழ்மையான கருத்து.

      about an hour ago ·  ·  2 people

வெள்ள அனர்த்தத்திற்கு பின்னர் கிழக்கு எதிர்கொள்ளப்போகும் சவால்கள்...

அண்மையில் கிழக்குமாகாணம் பாரியதொரு வெள்ள அனர்த்தத்தை சந்திருந்தது. இன்னமும் பல பிரதேசங்களில் 2 அடிக்கும் அதிகமான நீர் தேங்கிநிற்கின்றது. இதனால் அவ்வப்பிரதேசங்களிலிருந்து வெளியேறி பாடசாலைகளிலும் ஏனைய இடங்களிலும் தங்கியிருப்பவர்கள் தொடர்ந்தும் தமது வீடுகளுக்கு திரும்பமுடியாதிருக்கின்றனர். பல கிராமங்களின் தொடர்புகள் துண்டிக்கப்பட்டிருக்கின்றன.

இந்த வெள்ளஅனர்த்தம் கிழக்கு மக்களை இருவகையில் பாதித்திருக்கின்றது அதாவது ஒன்று வெள்ளம் ஏற்பட்டபோது சந்தித்த பாதிப்புக்கள் இரண்டாவது வெள்ளத்திற்கு பின்னர் அம்மக்கள் எதிர்கொள்ளப்போகும் பாதிப்புக்கள்.

வெள்ளம் ஏற்பட்டபோது சந்தித்த பிரச்சனைகளை ஓரளவுக்கு சிறப்பானமுறையிலே அங்குள்ள அரசாங்கபிரிவும் தொண்டர் அமைப்புக்களும் எதிர்கொண்டிருந்தன. இடம்பெயர்ந்த மக்களை பாதுகாப்பான இடங்களில் தங்கவைப்பதிலிருந்து அவர்களுக்கு தேவையான உணவு குடிநீர் போன்றவை வழங்கி அவை ஓரளவுக்கு சிறப்பாக செயற்பட்டன என்றுதான் கூறலாம் ஆனால் அனர்த்தத்திற்கு பின்ன் அம்மக்கள் சந்திக்க இருப்பவைதான் முக்கியமானதாகும். இதில் அம்மக்களுடைய ஜீவனோபாயம், கல்வி சுகாதாரம் போன்றவை மிகமுக்கியமாக இருக்கப்போகின்றது. 

இவ்வனர்த்தத்தினால் பாதிக்கப்பட்ட மக்கள் கூடுதலாக விவசாயத்தினை ஜீவனோபாயமாக கொண்டவர்கள் அத்தோடு மீன்பிடி, கால்நடைவளர்ப்பு, சுயதொழில்கள் என்பனவும் முற்றுமுழுதாக பாதிக்கப்பட்டிருக்கின்றன. பொங்கலோடு வெள்ளாமையினையும் அறுவடையையும் செய்வோம் என்று காத்திருந்த மக்களுக்கு இவ்வனர்த்தம் மிகமோசமான விளைவுகளை ஏற்படுத்திவிட்டது. இடம்பெயர்ந்த முகாம்களில் தங்கியிருக்கும் மக்கள் வீடுதிரும்பியதும் தங்களுடைய நாளாந்த வாழ்க்கையினை கொண்டுசெல்வதற்கு மிகவும் சிரமங்களை சந்திக்கப்போகின்றார்கள். ஏனென்றால் அம்மக்கள் தங்களுடைய ஜீவனோபாயதொழில்களை நம்பி அன்றன்றாடம வாழ்ந்துகொண்டிருந்த மக்கள். இதனால் இன்னும் ஒரு மூன்றுமாதங்களுக்கு அம்மக்கள் பொருளாதார ரீதியாக மிகவும் பாதிக்கப்படபோகின்றார்கள்.

பொருளாதார ரீதியான பாதிப்பு ஏற்படும்போது அது அப்பிரதேசங்களில் கல்விநிலையில் அது பாரிய தாங்கங்களையும் ஏற்படுத்தும். பாடசாலை சிறார்களினுடைய புத்தகங்கள் சீருடைகள் மழைநீரில் அடித்துச் செல்லப்பட்டிருக்கின்றன. புதிதாக புத்தகங்கள் அப்பியாசக்கொப்பகளை வாங்கிகொடுப்பதற்கு பெற்றோரிடம் பணமில்லை ஆகவே பிள்ளைகளை பாடசாலைக்கு அனுப்பமுடியாதநிலைதான் பெற்றோருக்கு ஏற்படும் இதன்காரணமாக பிள்ளைகளில் கல்வி ஆர்வம் குறைவதற்கு வாய்ப்புக்கள் காணப்படுகின்றன. "பிள்ளைகளின்ட கொப்பிபுத்தகங்கள் எல்லாம் வெள்ளத்தில அடிப்ட்டு போயிட்டுது இனி யுனிசெவ் ஆக்களிட்டத்தான் ஏதாவது கேட்கவேணும்" என்று ஒரு பாடசாலை அதிபருடன் கதைத்தபோது கூறினார். சடுதியான கல்வி வீழ்ச்சியினை தடுப்பதற்காகவே உடனடியாக பாடசாலைகள் ஆரம்பிக்கப்பட்டு இருப்பதாக கல்வி திணைக்கள அதிகாரி ஒருவர் கூறினார். சில பாடசாலைகளில் இரண்டு மூன்று கட்டடங்களை இடம்பெயர்ந்தவர்களுக்கு கொடுத்துவிட்டு ஏனைய கட்டடங்களில் பாடசாலையை நடாத்துகின்ற நிலமைதான் தற்போது கிழக்கு மாகாணத்தின் இருக்கின்றது. ஆனாலும் எத்தனை பிள்ளைகள் பாடசாலைகளுக்கு வருவார்கள் என்பது கேள்விக்குறியாகவே இருக்கின்றது.

இதேவேளை தேங்கிநிற்கின்ற நீரினுள் கால்நடைகள் இறந்து மிதப்பதினால் நீர் மாசுபட்டு காணப்படுகின்றது பாரிய சுகாதாக பிரச்சனைகளுக்கு அம்மக்கள் முகம்கொடுக்கவேண்டிய நிலைகாணப்படுகின்றது. பலருக்கு கால்களில் புண்கள்கூட ஏற்பட்டிருக்கின்றது

காலில் புண்ஏற்பட்டிருக்கிறது

உற்பத்தி துறையிலே ஐந்தாவது இடத்திலிருந்த கிழக்குமாகாணம் சடுதியாகவீழ்ச்சியினை சந்திக்கப்போகின்றது. பல கட்டுமானப்பணிகள் முற்றாக சேதமாகியிருக்கின்றன. இந்தநேரத்தில்தான் அரச சார்பற்ற நிறுவனங்களின் தேவை அப்பிரதேசங்களில் ஏற்பட்டிருக்கிறது. மக்களின் இயல்பு வாழ்க்கையினை கட்டியெழுப்புவதற்கு அரசா சாற்பற்ற நிறுவனங்களின் ஒத்துழைப்பும் அவசியமானதாக இருக்கின்றது. ஆனால் ஏற்கனவே அரசு பல அரசசார்பற்ற நிறுவனங்களுடன் முரண்பட்டு அவற்றை நாட்டைவிட்டே வெளியேற்றியிருக்கின்றது இந்த நிலையில் இங்கு எஞ்சியிருக்கும் ஒரு சில அரசசார்பற்ற நிறுவனங்களினால் ஒரேநேரத்தில் பாதிக்கப்பட்ட எல்லாமக்களுக்கும் உரிய தேவைகளை நிவர்த்திசெய்யமுடியாது என்பது மறுக்கமுடியாத உண்மை. எனவே சம்பந்தப்பட்டவர்கள் உரிய நடவடிக்கைகளை எடுத்து கிழக்கு மாகாண மக்களின் இயல்பு வாழ்க்கையை கல்வியை மீளக்கட்டியெழுப்ப நடவடிக்கை எடுக்கவேண்டும் என்பதே எல்லோருடைய அவா... 

பதிவர்களுக்கு ஒரு அவசர வேண்டுகோள்

கிழக்குமாகாணத்தில் மழை மற்றும் வெள்ள அனர்த்தத்தினால் பாதிக்கப்பட்ட மக்களுக்கு உதவும் முகமாக பதிவர்கள் ஒன்று சேர்ந்து உலர் உணவுப்பொருட்கள் மற்றும் ஏனைய இதர பொருட்களை சேர்த்துக்கொண்டிருக்கின்றோம். தற்போதும் கிழக்கு மாகாணத்திலே தொடர்ந்து மழைபெய்து கொண்டிருக்கிறது. மிகவும் இக்கட்டான சூழ்நிலையில் அனேகமாக மக்கள் அனைவரும் முகாம்களிலேயே தஞ்சமடைந்து இருக்கின்றார்கள் என அறியக்கிடைத்தோம். அவர்களுக்கு போதிய உணவுகள் இல்லை, மற்றும் அத்தியாவசிய பொருட்கள் இல்லை. ஆகவே நாம் எம்மால் ஆன உதவிகளைச் செய்வோம். அதையும் விரைவாகவே செய்வோம்

உங்களால் முடிந்த பொருட்களைத் திரட்டி, இலக்கம் 16, லில்லி அவென்யு, வெள்ளவத்தையில் உள்ள உலக சமுதாய சேவா சங்கத்தின் அலுவலகத்தில் காலை 6.00 மணிமுதல் 12.30 வரையும், மாலை 3.00 மணிமுதல் 7.30 மணிவரையும் உங்களது பொருட்களைக் கையளியுங்கள். நீங்கள் மட்டுமல்ல, உங்களால் முடியுமானவரை உங்களுக்கு தெரிந்த அனைவரிடமும் கேளுங்கள்.

மட்டக்களப்பில் இருந்து தொடர்ந்து பதிவர் ரமேசும், சந்ருவும் எம்முடன் தொடர்பில் உள்ளனர். எனவே, எம்மால் முடிந்த உதவிகளை இப்போதே செய்வோம். யாழ்ப்பாத்தில் உள்ளவர்கள் பதிவர் கிருத்திகனை தொடர்புகொள்ளவும். 

அத்துடன் இலங்கையிலுள்ள தமிழ் ஊடகங்களும் மக்களுக்கு தேவையான பொருட்களை சேரித்துக்கொண்டிருக்கின்றார்கள் அவர்களிடமும் உதவிகளை பொருட்களை கையளிக்க முடியும் உங்களுக்கு அருகில் உள்ள சேரிப்பு நிலையத்தில் உங்கள் பொருட்களை கையளிக்கலாம்

• வெற்றி எப் எம் -கையளிக்கக் கூடிய இடங்கள்.. 

       1. கொழும்பு ஹவலொக் டவுன்
       மயூராபதி அம்மன் கோவில்

      2. IDM CITY CAMPUS 3
      இல.16,42வது ஒழுங்கை, வெள்ளவத்தை

     3. IDM CITY CAMPUS 3
     இல.79, பொன் ஜீன் வீதி, கொட்டாஞ்சேனை

• சக்தி எப் எம் - 114310656 இந்த தொலைபேசி இலக்கதில் எந்தெந்த பிரதேசங்களில் பொருட்களை கையளிக்கமுடியும் என்கின்ற மேலதிக தகவல்களை பெறமுடியும்

நாம் எம்மால் ஆன உதவிகளைச் செய்வோம். அதையும் விரைவாகவே செய்வோம்     

புதிசு புத்தம் புதிசு - தோட்டா மணியம்

வணக்கம் நண்பர்களே இது என்னுடைய புதிய ஒரு முயற்சி. என்னுடைய வலைப்பதிவில் இன்றுமுதல் "தோட்டா மணியம்" என்னும் புதியவர் அறிமுகமாகப்போகின்றார். இவர் உங்களுக்கு எங்களுடைய சமூகத்தில் நடக்கும் தான் சந்திக்கும் பலவிடயங்களை ஒலிவடிவில் சுட்டிக்காட்டப்போகின்றார்.  தோட்டா மணியம் அண்ணை இன்று என்ன சொல்லப்போகிறார் என்பதை கீழுள்ள ஒலிவடிவத்தில் கேளுங்கள்..

Get this widget | Track details | eSnips Social DNA

ஓகே என்ன எல்லாரும் அண்ணை என்ன சொன்னவர் என்று கேட்டீங்களோ வடிவா விளங்கிச்சோ மீண்டும் அடுத்த வாரமும் இன்னுமொரு விடயத்துடன் தோட்டா மணியம் அண்ணை உங்கள் எல்லோரையும் சந்திப்பார் இது தொடர்பான விமர்சனங்களையும் நீங்கள் முன்வைக்கலாம்.
நீங்களும் அவரிடம் எதைப்பற்றியாவது கேட்கவேண்டும் என்றால் பின்னூட்டத்தில் தாராளமாக கேட்கலாம் தோட்டா மணியம் அண்ணை உங்களுடைய கேள்விகளுக்கும் பதிலளிப்பார்....