ழ அழகு

கண்ணுக்கு மை அழகு
கவிதைக்கு பொய் அழகு
காலுக்கு கொலுசு அழகு
தமிழுக்கு ழ அழகு

குசும்பு குரு!!!(குமரேசன்)

இனி என்னுடைய இந்த வலைப் பூவில் அறிமமுகமாகின்றார் குசும்பு குமரேசன்.





என் இனிய குசும்பு தமிழ் மக்களே!! இந்த குரு கோக் அடிச்சுட்டு குப்புற படுக்க இங்க வரல்ல. இனி குசும்பிலும் கலக்குவானெல்ல

*சில்வர் க்ளாசில் தண்ணி அடிக்கலாம், கண்ணாடி க்ளாசில் தண்ணி அடிக்கலாம் ஆனால்
கூலிங் க்ளாசில் தண்ணி அடிக்க முடியுமா?
இந்த குரு அடிப்பானெல்லே!!ஹிஹிஹிஹி..........

மூட நம்பிக்கைகள்

இன்றைய நவீன உலகில் விஞ்ஞானம் எவ்வளவோ வளர்ந்தாலும் மூட நம்பிக்கைகள் மட்டும் மக்களை விட்டு மறைவதாக இல்லை. இவற்றுக்கு நிறையவே காரணங்களை கூறலாம். இவற்றில் பெரும்பான்மையானவை சமயத்தை சார்ந்தவையாக அல்லது தழுவியவையாக உள்ளன என்று கூறினால் அது மிகையாகாது.

இவ்வாறு மூடநம்பிக்கைகள் வளர்வதற்;கு மிக முக்கியமான காரணமாக அந்தந்த மக்களின் கலாச்சாரம் செல்வாக்குச் செலுத்துகின்றது.

மூட நம்பிக்கைகளை அதிகமாக ஆசிய நாடுகளே பின்பற்றுகின்றன என்று கூறலாம். அதிலும் குறிப்பாக தென் ஆசிய நாடுகளை(இந்தியா இலங்கை பாக்கிஸ்தான் போன்ற நாடுகளை) குறிப்பிடலாம்.அதற்காக உலகத்திலுள்ள ஏனைய நாடுகளில் இவை இல்லையெ கூற முடியாது. ஏனைய நாடுகளுடன் ஒப்பீடுகையில் ஆசியாவில் சற்று அதிகம் என கூறலாம்.

இலங்கை போன்ற நாடுகளில் இவை ஓரளவு குறைவாக காணப்பட்டாலும் இந்தியாவிலேயே மிகவும் அதிகமாக இந்த மூடநம்பிக்கைகளை பின்பற்றி வருகின்றார்கள்.உதாரணமாக மழை பெய்யவில்லை எனில் மிருகங்களுக்கு திருமணம் செய்வது அவர்களுடைய கடவுள்களுக்கு மிருகங்களை பலியிடுவது போன்ற பலவற்றையும் கூறிக்கொண்டு செல்லலாம்.அத்துடன் பல பெண்கள் இவற்றால் சமூகத்தில் பாரிய பிரச்சினைகளுக்கு முகம் கொடுக்கின்றார்கள்.

இவற்றில் ஈடுபடுவது சாதாரண பாமர மக்கள் முதல் படித்தவர்கள் மற்றும் அரசியல்திகள் என எல்லா வகையானவர்களையும் குறிப்பிட்டு கூறலாம்.
இவற்றில் மிகவும் கொடுமை மூடநம்பிக்கை என்ற பெயரில் பல உயிர்கள் காவுகொள்ளப்படுவது மற்றும் மக்களை ஏமாற்றுவதும் தான்.

காலத்திற்கு காலம் மனிதன் விஞ்ஞான ரீதியாக எத்தனையோ கண்டுபிடிப்புக்கள் எத்தனையோ மாற்றங்கள் என ப+மியையும் தாண்டி விண்வெளியை ஆராய்ந்து சென்று கொண்டிருக்கும் நிலையில் நாம் இன்றும் மூட நம்பிக்கைகளை பின்பற்றிக் கொண்டு இருக்கின்றோம் எனும் பொழுது மிகவும் கவலையளிக்கின்றது.


இன்று பலர் மூடநம்பிக்கைகளை களைய எவ்வளவோ முயர்ச்சிகளை மேற்கொள்ளுகின்றார்கள்.ஆனாலும் இது ஒரு சவாலான விடையம் என்பது வெளிப்படை உண்மை.எத்தனை பாரதிகள் இந்த மண்ணில் தோன்றினாலும் இந்த மூடநம்பிக்கைகளை மக்களின் மனங்களிலிருந்து அவ்வளவு சுலபமாக ஒழித்து விட முடியாது என்பது திண்ணம்.

2009ல் உலகம் அழிவை சந்திக்க போகிறதா????

2009 மற்றும் 2013 ஆகிய ஆண்டுகளில் உலகம் மிகப் பெரிய அழிவுகளை சந்திக்க போவதாக பரவலாக தகவல்கள் வெளிவந்து கொண்டு இருக்கின்றது. இவற்றிற்கு காரணம் போரிஸ் கிப்ரியானோவிச் என்ற 12 வயது மாத்திரம் நிரம்பிய ரஸ்யாவை சேர்ந்த சிறுவன் கூறும் தகவல்கள் தான்.
இந்தச் சிறுவனை பற்றிய தகவல்களை கேட்கவே புல்லரிக்கின்றது.1996ல் பிறந்த இவன் எல்லோரையும் போலவே அல்லாமல் பிறந்த பதினைந்தாவது நாளே குப்புறப் படுத்து,நான்கு மாதத்தில் அப்பா என்று அழைக்கும் சிறுவனைக் கண்டால் யாருக்குத் தான் அதிர்ச்சியாய் இருக்காது? ஆறு மாதம் ஆகும்போதே வார்த்தைகள் உச்சரிக்கப் பழகிய் அவன், ஒன்றரை வயதான போது செய்தித் தாள் வாசித்தானாம்! இரண்டு வயதில் குழந்தைகள் பள்ளிக்கூடத்தில் அவனைச் சேர்த்தனர். ஆனால் அவனுடைய
நடவடிக்கைகளும், அறிவும் எல்லோரையும் வியப்பிலாழ்த்தியதுடன் பயத்தையும்
கொடுத்திருக்கிறது.திடீரென எங்கேயோ பார்த்து எதையோ வாசிப்பான், திடீரென அமர்ந்து செவ்வாய் கிரகம் குறித்து விளக்குவான், கேட்டால் நான் அங்கே தான் வாழ்ந்தேன் என்பான் –
என்கிறார் போரீஸின் தாய்.தான் செவ்வாய் கிரகத்தில் வசித்ததாகவும், செவ்வாயில் ஏற்பட்ட ஒரு அணு ஆயுதப் போரினால் செவ்வாய் மாபெரும் அழிவைச் சந்தித்தாதாகவும், இப்போதும் மக்கள் அங்கே தரையின் கீழே வசித்து வருவதாகவும் இவன் சொல்வது ஹாலிவுட் அறிவியல் படங்களை தூக்கிச் சாப்பிடுகிறது.செவ்வாயில் நாங்கள் எல்லாம் கரியமில வாயுவைத் தான் சுவாசிப்போம், இங்கே தான் உயிர் வழியை சுவாசிக்க வேண்டியிருக்கிறது. இது தான் முதுமையைத் தருகிறது என ஒரு பளிச் சுவாரஸ்யத்தையும் சொல்கிறான்.
செவ்வாயிலிருந்து அடிக்கடி பூமிக்கு தான் வந்திருப்பதாகவும், விண்கலத்தை ஓட்டி
வந்ததாகவும், லெமூரியா காலத்தில் தான் வந்த நிகழ்வுகளையும் மணிக்கணக்காய்
பேசுகிறான். யாருமே எனக்கு எதுவுமே சொல்லித் தரவில்லை. இதெல்லாம் நானே நேரில்
பார்த்தவை என்கிறான்.
அவனுடைய மூன்றாவது வயதில் கோள்களை பற்றியும், விண்வெளி பற்றியும் கூறிய தகவல்கள் ஏனையோரை வியப்பில் ஆழ்த்தும் அளவுக்கும்,அத்தனையும் உண்மையானவையாகவும் இருந்திருக்கின்றன.இதனால் ஆலயத்தில் அவனுக்கு கிறீஸ்தவ முறைப்படி திருமுழுக்கு கொடுத்திருக்கின்றனர் அவனுடைய பெற்றோர்.ஆனால் அதற்கு பின் அவன் வீதிகளில் இறங்கி அழிவு வரப்போகிறது என எச்சரிக்கை செய்ய தொடங்கி இருக்கிறான்.இவனுடைய அதிமேதாவித் தனம் இவனை பள்ளிக்கூடத்திலிருந்து வீட்டுக்கு
அனுப்பியிருக்கிறது. ஆசிரியர்கள் என்ன சொன்னாலும், அது தவறு என மேதாவித்தனமாக
விளக்கிக் கொண்டிருப்பவனை எந்த பள்ளிக்கூடம் தான் ஏற்றுக் கொள்ளும். வேறு
வழியின்றி இப்போது தனியாக படித்து வருகிறானாம்.
உலகில் ஏற்படப் போகும் பேரழிவைக் குறித்து எச்சரிக்கை செய்வதற்காக அனுப்பப்படும் "இண்டிகோ" சிறுவன் இவன் என நம்புகின்றனர் பலர். இதை வலுப்படுத்துவது போல 2009 லும், 2013 லும் இரண்டு மாபெரும் அழிவுகளை உலகம் சந்திக்கும். தப்பிப் பிழைப்பவர்கள் வெகு சிலரே. துருவ விலகலால் இந்த சிக்கல் உருவாகும் என அவன் அதிர்ச்சிக் கதைகளை சொல்கிறான்.
இவனை பல விஞ்ஞானிகள் கேள்விகளால் குடைந்த போதும் அவனது அலட்சியமான, உறுதியான விளக்கத்தைப் பார்த்து விஞ்ஞானிகள் தலையைப் பிய்த்துக் கொள்கின்றனர்.(உதாரணத்திற்கு விண்கலத்தின் பாககங்களை குறித்து இவன் கூறும் தகவல்கள் அத்தனையும் உண்மையாக இருப்பதாக விஞ்ஞானிகள் கூறுகின்றார்கள்.)ஏனெனில் இவன் பேசுவதெல்லாம் பல ஆண்டுகாலம் விண்வெளி ஆராய்சியில் ஊறித் திளைத்தவர்கள் பேசும் நுட்ப மொழியில்!
நாங்களும் எதை நம்புவது எதை நம்பாமல் இருப்பது என தெரியாது முழிக்க வேண்டி இருக்கிறது.மக்களை பொறுத்தவரை எல்லாவற்றிக்கும் ஒரே ஒரு வழி தான் இருக்கிறது.அதாவது 2009 வரை பொறுத்திருந்து பார்ப்பது தான் அந்த வழி.ஏனென்றால் இதற்கு முன்னும் 2000ம் ஆண்டிலும் உலகம் அழியப் போகிறது என பரவலாக பேசப்பட்டது.
அழிவுகள் என்பது எமக்கு புதுசானவை அல்லவே எனவே பொறுத்திருந்து தான் பார்ப்போமே!!!

என்ன துணிச்சல்

என்ன துணிச்சல் பாருங்கள் இந்தப் பூனைக்கு

வாழ்க்கையின் சக்கரம்

நம்ம வாழ்க்கையின் சக்கரம் இதோ,


எப்படி இப்படியெல்லாம் யோசிக்கிறாங்களோ தெரியவில்லை.ஆனால் உக்கார்ந்துதான் யோசிப்பாங்கள்.

இலங்கை செஞ்சிலுவை சங்கம் தேசிய மட்டத்தில் பொலன்நறுவையில் நடாத்திய விளையாட்டுப்போட்டியில் யாழ் வீரர்கள் இருவர் தேசிய மட்டச் சாதனைகளை நிலை நாட்டினர்

இலங்கை செஞ்சிலுவை சங்கத்தினால் தேசிய மட்டத்தில் நடாத்தப்பட்ட விளையாட்டுப் போட்டியில் யாழ் மாவட்டத்தை சேர்ந்த இருவர் தேசிய மட்டச் சாதனைகளை நிகழ்த்தி உள்ளனர்.23 வயதிற்கு உட்பட்ட நீளம் பாய்தலில் அ.அன்ரன் றஜீம்ராஜ் 7.4மீற்றர் தூரம் நீளம் பாயந்து முன்னைய சாதனையான 7.2மீற்றர் என்ற சாதனையை முறியடித்தார். இவர் யாழ்/இளவாலை புனித ஹென்றியரசர் கல்லூரியின் பழைய மாணவர் ஆவார்.அத்துடன் இவர் பாடசாலை,பிரதேச மட்ட விளையாட்டு போட்டிகளிலும் பல திறமைகளை வெளிக்காட்டி இருந்தமை குறிப்பிடத்தக்கது.இதே வேளை 20 வயதிற்கு உட்பட்ட பெண்களுக்கான உயரம் பாய்தலில் செல்வி.ரஜீத்தா 1.56மீற்றர் உயரம் பாயந்து முன்னைய சாதனையான 1.38 மீற்றர் என்ற சாதனையை முறியடித்தார்.இவர் யாழ்/சுண்டிக்குழி பெண்கள் பாடசாலையில் 2009 உயர்தரப் பிரிவில் கல்விக்ற்றுக் கொண்டு இருக்கின்றார்.இவ்விளையாட்டு போட்டிகளில் யாழ் மாவட்டதத்தை சேர்ந்த 50 க்கு மேற்பட்டோரும், இலங்கை முழுவதுமிருந்து சுமார் 1000க்கு மேற்பட்டோரும் பங்குபற்றி இருந்தமை குறிப்பிடத்தக்கது.மேற்படி மாணவர்கள் அடுத்த மாதம் ஹொங்கொங்கில் நடைபெற இருக்கும் விளையாட்டுப் போட்டியில் கலந்து கொள்ள உள்ளதாக தெரிவிக்கப்படுகிறது.மேற்படி மாணவர்களுக்கு எனது வாழ்த்துக்களையும் தெரிவித்து கொள்ளுகின்றேன்.